عتابا مالكيّة



الطالب إبراهيم جمال يقدم فقرة العتابا


عتابا مالكيّة

ألقيت في حفل تحرج 2013

أنا يا دني ما غرّني كُثر مالك		ولا لفتة عُـبيلة بنتْ مالك
أنا جيت أحيي أهالي كفرمالك		الطيبين أولادِ لِطيـــاب
يا خيّ انت في كفرمالك أكبر مََلِك		ما دام إلك شبر من الأرض مِلك
وميّة نبع سامية لبنت عبد الملك		وصفها الأطبا دوى شافي وشراب
وإذا عازك يوم الحرب نشامى		لا تروح قبلة ولا تروح شامى
أهل كفرمالك في النخوة نشامى		واسأل بني عوفر بتلقى الجواب
كفرمالك عَمار بمدارسها وجوامعها		لما اجت على الدنيا العز اجا معها
وعلى طول الدهر الخير جامعها		واهلها  على طول العمر أحباب
وصاني أبوي عن جـَـد جدِّي		خليك يا ولد في العلم جدي
الوطن يقول ما ينبي مجدي		بغير العلم والدين والأداب
كفرمالك أرضها من وَعر وسَهل		مثل الناس منهم تعب و سِهل
يا بنت الحلال أبوك والله سِـهل		بس الوعورة عندْ بياع الذهب
احنا نواطير البلد ونسورها		نحرس سهلها وتل عاصورها
و إذا نط النذل يوم ع سورها		لنطعم عظامو لسودِ الكلاب
شمس العَصور عند المسا غربتي		غيرك ما حدا حاسس في غربتي
وإذا يوم ع بلاد النوى غرَّبتي		سلمي لي على أهلي و الـحباب
عن درب الاحرار أبدْ لـَ  تميل		لو طال الدرب ميت ميل
وع راس المطل لما الشمس بتميل		تنحني للشهيد إل تحت لتراب
شفت كفرمالك والهمّ عني ذهب		وتراب الوطن أغلى من الذهب
وابن الأصل وين ما راح وذهب		لابد يرجع و لو طال الغياب
يا قاصد البرية خذني ع لمراح		ومية بيراردب أطيب من الراح
نسّم  نسيم المرج و الألم راح		وسرى في عروقي دم الشباب